Yn PCYDDS y prif bensetiau VR sydd gennym i’w benthyca yw rhai META Quest 2.
Ymgyfarwyddwch â Chanllawiau Iechyd a Diogelwch y gwneuthurwr.
Sicrhewch fod y penset wedi’i addasu’n iawn i ffitio’r defnyddiwr drwy symud y strapiau, ei leoliad, a’r lensys. Dylai’r penset fod yn gyfforddus, a dylai’r testun ar y sgrin ymddangos yn glir.
Os nad oes modd addasu’r penset i ffitio’n ddiogel ac yn glir, ni ddylai’r defnyddiwr ddefnyddio Realiti Rhithwir. Mae ffit gywir yn hanfodol ar gyfer profiad diogel ac effeithiol.
Os na all y defnyddiwr ddeall neu ymateb i’r canllawiau iechyd a diogelwch, ni ddylai ddefnyddio Realiti Rhithwir. Mae dealltwriaeth glir yn hanfodol ar gyfer profiad diogel a chyfrifol.
……………..
Mae’r tîm yn cymryd camau helaeth i leihau risgiau a lliniaru unrhyw ddigwyddiadau wrth weithredu Realiti Rhithwir. Fodd bynnag, er mwyn sicrhau profiad diogel a phleserus i bawb, gofynnwn fod yr holl gyfranogwyr yn ymgyfarwyddo â rhagofalon ac argymhellion diogelwch pellach hanfodol.
Sicrhewch fod o leiaf 2.5 metr o le heb rwystrau o gwmpas pob defnyddiwr Realiti Rhithwir unigol.
Sicrhewch fod yr holl offer Realiti Rhithwir, yn cynnwys pensetiau a rheolyddion, wedi’u cysylltu yn eu lle a’u haddasu’n gywir cyn eu defnyddio.
Arhoswch o fewn ardaloedd diogel penodedig i osgoi taro yn erbyn gwrthrychau neu gyfranogwyr eraill.
Os ydych yn defnyddio cysylltiad ar dennyn â dyfais, sicrhewch fod y cebl yn ddigon o hyd o’r ddyfais i’r penset VR i gadw at ganllawiau Amgylchedd y Defnyddiwr.
Sicrhewch fod digon o fatri gan bensetiau diwifr i’w hatal rhag cau lawr yn ddirybudd.
Gall goleuadau sy’n fflachio ac effeithiau gweledol cyflym sbarduno ffitiau mewn unigolion â ffotosensitifrwydd neu epilepsi. Cymerir camau i leihau’r risg o ddelweddau sy’n fflachio ac yn sbarduno effeithiau o’r fath mewn profiadau a chymwysiadau Realiti Rhithwir; fodd bynnag, nid oes modd bod yn sicr na fydd yn digwydd, yn enwedig gyda chynnwys gan 3ydd parti.
Os ydynt yn ansicr, argymhellir y dylai defnyddwyr â hanes o epilepsi neu ffotosensitifrwydd ymgynghori â meddyg cyn ymwneud â phrofiadau Realiti Rhithwir.
Cynghorir defnyddwyr i gymryd seibiant wedi 15-20 munud, oherwydd gall defnydd estynedig arwain at bendro, cyfog, colli cyswllt â’r amgylchedd a salwch symud.
Dechreuwch gyda sesiynau byr 5 munud, gyda seibiant i ddilyn, a chynyddu’r amser defnyddio’n raddol.
Addaswch y penset i ffitio’n iawn er mwyn osgoi straen llygaid a diffyg cysur.
Cynghorir defnyddwyr i’w symud eu hun i ffwrdd o Realiti Rhithwir i osgoi straen llygaid, oherwydd gall sgriniau mewnol pensetiau VR allyrru golau llachar a chyson.
Addaswch y penset i ffitio’n iawn er mwyn osgoi straen llygaid a diffyg cysur.
Osgowch brofiadau Realiti Rhithwir a allai sbarduno gorbryder, ffobiâu, neu drallod.
Er bod cynnwys yn cael ei lunio a’i gyrchu’n ofalus, mae’n bosibl y bydd rhai defnyddwyr yn teimlo bod cynnwys penodol yn ddwys neu’n gwneud iddynt golli cyswllt â’u hamgylchedd.
Stopiwch ddefnyddio Realiti Rhithwir os byddwch yn profi gorbryder, dryswch, neu drallod emosiynol uwch.
Glanhewch y pensetiau a’r rheolyddion yn rheolaidd gyda weips heb alcohol.
Defnyddiwch orchuddion wyneb symudadwy er mwyn cynnal hylendid yn enwedig mewn amgylchedd a rennir.
Rydym yn annog defnyddwyr i feddwl am eu hiechyd a’u cyfyngiadau eu hun, ac mae ganddynt opsiwn i optio allan o weithgareddau os byddant yn teimlo’n sâl neu’n ansicr.
Cynghorir yn gryf fod defnyddwyr yn hysbysu aelod o staff am unrhyw gyflyrau (e.e. epilepsi, fertigo, neu ffotosensitifrwydd) neu lefelau o orbryder a allai effeithio ar eu profiad, er mwyn gallu cymryd rhagofalon cywir.
Sicrhewch fod defnyddwyr yn gwybod at bwy y dylent fynd os oes angen help arnynt neu angen gadael y profiad yn gyflym oherwydd pryderon iechyd.
Am ragor o wybodaeth gan META ynghylch canllawiau Iechyd a Diogelwch clustffonau VR y gwneuthurwr, ewch i Wefan Meta.
