IT Services
ServiceNow

Storio ar y Rhwydwaith

Mae’r Brifysgol yn darparu cyfleuster storio canolog diogel ar gyfer staff a myfyrwyr.

Microsoft OneDrive

Ardal storio yn y cwmwl (1TB) ar gyfer ffeiliau. Caiff y ffeiliau hyn eu dal yng nghyfleusterau storio Ewropeaidd Microsoft.


Gellir cadw ffeiliau yn eich OneDrive yn breifat, gellir eu rhannu â phobl benodol neu eu rhannu â phawb.


Nid yw’r Gwasanaethau Gwybodaeth na Microsoft yn cadw copi wrth gefn yn awtomatig o unrhyw beth a roddwch yn eich OneDrive. Os bydd ffeiliau yn eich OneDrive yn cael eu dileu, dim ond am hyd at 30 diwrnod y gallwch chi eu hadfer. Fe’ch cynghorir i gadw copïau wrth gefn o ffeiliau pwysig, megis gwaith cwrs, ar gofbin USB personol.

Illustration of a person sitting at a desk working on a computer connected to a cloud storage symbol with an unlocked padlock, indicating data access or cloud security, with servers and file folders beside the desk against a blue background

Microsoft Teams

Gallwch gadw dogfennau yn eich safle Microsoft Teams. Mae Teams yn eich galluogi i gydweithio ar ddogfennau a’u cyrchu o unrhyw le sydd â chysylltiad â’r rhyngrwyd.
Illustration of a person sitting at a desk using a computer with speech bubbles and circular icons showing three other people engaging in a virtual conversation or online chat.

Storfa a Rennir

Caiff storfa ei rhannu ar lefel adrannol ac ysgol. Fe’i darperir i alluogi rhannu gwybodaeth a dogfennau gyda chydweithwyr uniongyrchol. Cysylltwch â’r Ddesg Gwasanaethau Digidol am fanylion yr ardaloedd a rennir yn eich adran neu ysgol.
Illustration of two women interacting with giant digital folders displayed on a large laptop screen, one holding a magnifying glass over a folder and the other pulling a document from a folder, with a potted plant, a pencil, and a steaming cup of coffee placed around the laptop on a light background

Storio eich Ffeiliau tu allan i PCYDDS

Mae yna rai opsiynau eraill ar gyfer storio sy’n caniatáu mynediad ar-lein; er enghraifft, Google Docs. Os byddwch yn defnyddio’r lleoedd hyn, dylech fod yn ymwybodol o’r canlynol:



  • Ni fydd rhai o’r cwmnïau hyn yn gwarantu lleoliad storio eich data. Efallai y caiff ei gadw mewn lleoliadau lle na fydd dymuniadau preifatrwydd y DU yn cael eu parchu. Hefyd, ni chaniateir trosglwyddo data personol y tu allan i’r UE heblaw mewn amgylchiadau penodol.
  • Yn aml, does fawr ddim sicrwydd, neu ddim sicrwydd o gwbl, y gellir adfer eich data os bydd y seilwaith yn methu. Gwnewch yn siŵr fod gennych gopi wrth gefn arall wedi’i storio’n rhywle arall.
  • Ni ddylid storio gwybodaeth sy’n eiddo i Brifysgol Cymru Y Drindod Dewi Sant yn yr ardaloedd hyn.
  • Pe bai problem gyda storfa a reolir tu allan i wasanaethau TG PCYDDS, ni fyddwn yn gallu helpu: bydd unrhyw gontract rhwng yr unigolyn a’r darparwr.
Large industrial facility with multiple exhaust stacks and blue equipment units, situated next to a body of water with a grassy embankment, under a partly cloudy blue sky, with a wind turbine visible on the far left.
Canolfan data Google yn Eemshaven, yr Iseldiroedd

Eich Cyfrifoldebau

Cyfrifoldeb y person sy’n cadw gwybodaeth yw sicrhau ei fod yn deall preifatrwydd, sensitifrwydd ei ddata a’i wybodaeth a sicrhau cadw/dileu yn unol â rheoliadau a chyfreithiau.


Mae’n bwysig nad yw storfeydd y Brifysgol yn cael eu defnyddio ar gyfer data, ffeiliau a delweddau sydd â hawlfraint yn rhywle arall, sydd o natur gwbl bersonol (megis casgliadau cerddoriaeth personol) neu sy’n debygol o gael eu hystyried yn amhriodol yn achos archwiliad allanol o’n storfeydd data.

Polisi Diogelu Data Grŵp PCYDDS

Diogelwch Storio

Cedwir copi wrth gefn o’r holl storfeydd ffeiliau canolog a gall defnyddwyr adfer gwybodaeth sydd hyd at ddiwrnod oed.

Cymorth a Chefnogaeth

Oes gennych gwestiwn am storio neu oes angen adfer data arnoch? Cysylltwch â’r Ddesg Gwasanaethau Digidol.