Gwasanaethau Digidol » Llyfrgell ac Adnoddau Dysgu (LLR) » Mynediad Agored ac Ymchwil » Cyhoeddi Mynediad Agored » Canllawiau hyfforddi a Chwestiynau Cyffredin » Monograffau, penodau llyfrau a chasgliadau golygedig

Monograffau, penodau llyfrau a chasgliadau golygedig

Os ydych yn ysgrifennu monograff, pennod llyfr neu’n paratoi casgliad golygedig, mae’n bwysig ystyried Mynediad Agored yn gynnar yn y broses. Mae nifer o gyllidwyr ymchwil yn cynnwys UKRI bellach yn cynnwys cyhoeddiadau ffurf hir yn eu polisïau Mynediad Agored. Mae’r Drindod Dewi Sant yn gofyn i ymchwilwyr adneuo copïau o’u cyhoeddiadau ffurf hir yn y Gadwrfa Ymchwil er mwyn sicrhau cydymffurfiaeth ag unrhyw ofynion REF yn y dyfodol.

Cyn i chi gyflwyno eich cyhoeddiad ffurf hir

Os ydy’ch ymchwil yn cael ei gyllido, gwiriwch bolisi Mynediad Agored y cyllidwr er mwyn sicrhau y bydd eich gwaith yn cydymffurfio cyn dewis cyhoeddwr
- Mae cyfarwyddyd i ymchwilwyr a gyllidir gan UKRI ar gael yma: Trefnu bod eich monograff, pennod llyfr neu gasgliad golygedig â mynediad agored
- Mae gwybodaeth am gyllid UKRI i gefnogi cyhoeddiadau Mynediad Agored ar gael yn Polisïau Mynediad Agored y REF a Chyllidwyr

Gwiriwch a ydy’r Drindod Dewi Sant yn cynnig unrhyw gytundeb cyhoeddi Mynediad Agored sy’n addas i’ch anghenion. Ar hyn o bryd mae cytundebau cyhoeddi Mynediad Agored aur ar gyfer cyhoeddiadau ffurf hir yn gyfyngedig, ond mae’n bosibl y bydd y rhain yn cynyddu yn ôl y galw dros amser.

Gwnewch gais am ORCID os nad oes un gennych eisoes

Os ydy’n briodol, ystyriwch adneuo’ch data ymchwil

Pan fyddwch yn cyflwyno eich cyhoeddiad ffurf hir

Defnyddiwch eich cyfeiriad e-bost PCYDDS bob tro a’ch rhif adnabod ORCID, a nodi Prifysgol Cymru Y Drindod Dewi Sant yn eglur fel eich sefydliad

Ar ôl i’ch cyhoeddiad gael ei dderbyn i’w gyhoeddi

Gweithredwch yn sgil derbyn! Adneuwch eich Llawysgrif Awdur a Dderbyniwyd derfynol yn y Gadwrfa Ymchwil
Anfonwch e-bost y cyhoeddwr sy’n cadarnhau ei fod wedi’i dderbyn i openaccess@uwtsd.ac.uk ynghyd â’r dyddiad cyhoeddi, os ydy’n hysbys, yn dystiolaeth o’r dyddiad derbyn ar gyfer cyflwyniad REF y Brifysgol.
Os nad ydych yn siŵr am y dyddiad cyhoeddi ar yr adeg pan gaiff y llawysgrif ei derbyn, peidiwch ag oedi cyn adneuo – gwnewch nodyn i gysylltu ag openaccess@uwtsd.ac.uk gyda’r dyddiad cyhoeddi cyn gynted ag y caiff ei gadarnhau
Os oes cyfnod embargo ar eich gwaith, peidiwch ag oedi cyn adneuo – bydd ein tîm Mynediad Agored yn gweithredu’r embargo ar eich rhan er mwyn sicrhau cydymffurfio â pholisïau’r cyhoeddwr o’ch dewis.
Gadewch o leiaf 14 diwrnod i’r tîm Mynediad Agored brosesu eich adnau.