Gwasanaethau Digidol » Gwasanaethau Dysgu Digidol a Llyfrgel » Mynediad Agored ac Ymchwil » Traethodau Ymchwil a Thraethodau Hir

Traethodau Ymchwil a Thraethodau Hir

Nod y Gwasanaethau Dysgu Digidol a Llyfrgell yw cadw copïau o’r holl draethodau ymchwil llwyddiannus ar gyfer graddau ymchwil a’r traethodau hir Meistr y dyfarnwyd rhagoriaeth iddynt, a ysgrifennwyd yn y Gymraeg, neu sydd yn y disgyblaethau Cymraeg, Astudiaethau Celtaidd neu hanes Cymru.

Yn y canllaw hwn gallwch ddysgu sut i ddod o hyd i draethodau ymchwil a thraethodau hir y Brifysgol, hefyd ceir cyfarwyddiadau ar gyfer cyflwyno eich gwaith eich hun i’n Cadwrfa Ymchwil.

Pam dylech archifo eich traethawd ymchwil neu draethawd hir?

Mae archifo eich traethawd ymchwil neu draethawd hir yng Nghadwrfa Ymchwil y Brifysgol yn ofynnol ar gyfer yr holl ymchwilwyr ôl-raddedig llwyddiannus ac mae hyn yn caniatáu i’ch gwaith gael ei ddarganfod gan fyfyrwyr a staff prifysgol eraill, a chan ymchwilwyr ar draws y byd.

Pan fyddwch yn cyflwyno eich gwaith, mae’n weladwy nid yn unig yn y Gadwrfa. Mae ein Cadwrfa yn cael ei fynegeio gan beiriannau chwilio mawr megis Google Scholar a Microsoft Bing, gan wneud eich ymchwil yn hygyrch i’r gymuned academaidd fyd-eang.

Mae’r traethodau ymchwil a thraethodau hir yn ein Cadwrfa yn cael eu cywain yn uniongyrchol gan gronfa ddata ProQuest Dissertations and Theses Global ac mae ein traethodau ymchwil doethurol yn cael eu cynnwys yng ngwasanaeth Electronic Theses Online (EThOS) y Llyfrgell Brydeinig. Mae cynnwys y Gadwrfa hefyd yn cael ei gynnwys mewn gwasanaethau cydgasglu megis Core.ac.uk

Sut gallaf i ddod o hyd i draethodau ymchwil a thraethodau hir eraill?

Gallwch ddod o hyd i draethodau ymchwil a thraethodau hir presennol drwy amrywiaeth o ffynonellau:

Traethodau ymchwil Doethurol PCYDDS (e.e. PhD) – maent i’w gweld yn ein Cadwrfa Ymchwil yma: https://repository.uwtsd.ac.uk/view/divisions/THSD/Mae mwyafrif ein traethodau ymchwil doethurol ar-lein yn deillio o’r cyfnod 2015 ymlaen. Mae traethodau ymchwil cynharach wedi’u lleoli yn ein casgliad llyfrgell printiedig ac mae llawer ar gael i’w digideiddio ar gais.
Traethodau hir Meistr PCYDDS – mae’r rhai y dyfarnwyd rhagoriaeth iddynt, neu a ysgrifennwyd yn y Gymraeg neu sy’n gysylltiedig â Chymru mewn modd arall, i’w cael yn ein Cadwrfa Ymchwil yma: https://repository.uwtsd.ac.uk/view/divisions/THSM/Mae mwyafrif ein traethodau hir Meistr ar-lein yn deillio o’r cyfnod 2010 ymlaen. Mae traethodau hir cynharach wedi’u lleoli yn ein casgliad llyfrgell printiedig ac mae llawer ar gael i’w digideiddio ar gais.
Traethodau ymchwil a thraethodau hir printiedig PCYDDS – mae’r rhai o’r cyfnod 2018 a chynharach i’w cael yn ein casgliadau llyfrgell. Gallwch chwilio am y rhain ar ein catalog, gan ddefnyddio’r Chwiliad Uwch .Dewiswch Chwilio Eitemau Corfforol [sic] yn y Cwmpas Chwilioac wedyn yn y Math o ddefnydd dewiswch Traethawd Estynedig. Teipiwch unrhyw dermau chwilio eraill yn ôl yr angen.Sylwer bod y Brifysgol wedi symud i gyflwyno traethodau ymchwil a hir ar-lein yn unig yn 2019 ac nad ydym yn cadw copïau caled o draethodau ymchwil a hir a gyflwynwyd i’w hasesu ar ôl y dyddiad hwn.
Traethodau ymchwil a thraethodau hir eraill o Gymru – maent ar gael o wasanaeth Casgliad Traethodau Cymru Llyfrgell Genedlaethol Cymru. Mae hwn yn cynnwys oddeutu 50,000 o draethodau ymchwil a thraethodau hir sy’n deillio o raddau ymchwil ôl-raddedig, a thraethodau hir Meistr sydd wedi derbyn rhagoriaeth neu sydd â diddordeb Cymreig.
Traethodau ymchwil doethurol eraill o’r DU – maent ar gael o wasanaeth EThOS y Llyfrgell Brydeinig . Mae EThOS yn darparu copïau testun llawn o lawer o draethodau ymchwil yn rhad ac am ddim. Mae EThOS hefyd yn cadw mynegai o draethodau ymchwil sydd ar gael yn brintiedig yn unig, y gellir gwneud cais iddynt gael eu digideiddio. Sylwer y gallai fod cost ynghlwm â gwasanaeth digideiddio EThOS.
Traethodau hir a thraethodau ymchwil eraill o bob rhan o’r byd – maent ar gael drwy ProQuest Dissertations and Theses Global , sy’n cynnwys mwy na 3 miliwn o weithiau testun llawn o filoedd o brifysgolion ar draws y byd.

Rhaglen digideiddio traethodau ymchwil a thraethodau hir

Mae llawer o draethodau ymchwil a thraethodau hir a gyflwynwyd i’w harholi cyn 2018 yn cael eu cadw mewn print yn unig ac nid ydynt ar gael ar-lein. Ar hyn o bryd mae’r Gwasanaethau Dysgu Digidol a Llyfrgell yn treialu rhaglen ddigideiddio i ganiatáu i fyfyrwyr a staff ofyn am gopi digidol o un o draethodau ymchwil neu draethodau hir y Brifysgol ar gais.

Bydd opsiwn i wneud cais yn arddangos ar Gatalog y Llyfrgell wrth chwilio am draethodau ymchwil a thraethodau hir sy’n gymwys:

Wrth wneud cais am gopi digidol o draethawd estynedig, gofynnir i chi lenwi ffurflen gyda’ch manylion.

Bydd tîm y Gwasanaethau Dysgu Digidol a Llyfrgell yn sganio’r traethawd estynedig ac yn ychwanegu’r copi digidol at y Gadwrfa. Bydd sganiau’n cael eu darparu mewn fformat PDF hygyrch.

Mae’r gwasanaeth cais i ddigideiddio’n cwmpasu’r casgliad traethodau ymchwil a thraethodau hir yn Llambed. Er nad yw’r casgliadau traethodau estynedig yn Abertawe wedi’u cynnwys ar hyn o bryd, os bydd y cynllun peilot yn llwyddiannus, byddwn yn eu hagor i geisiadau maes o law. Bydd eitemau nad ydynt wedi’u cynnwys yn y cynllun peilot yn parhau i fod ar gael i’w darllen yn y llyfrgell.

Sut i gyflwyno eich traethawd ymchwil

Nod y Gwasanaethau Dysgu Digidol a Llyfrgell yw cadw copïau o’r holl draethodau ymchwil llwyddiannus ar gyfer graddau ymchwil yng Nghadwrfa’r Brifysgol.

Pan gewch eich hysbysu am ddyfarniad eich gradd, bydd myfyrwyr ymchwil yn derbyn e-bost gyda chyfarwyddiadau a dolen i lanlwytho eich traethawd ymchwil i’r gadwrfa. Dylai eich traethawd ymchwil fod fel a ganlyn:

Fersiwn terfynol, derbyniedig eich gwaith, heb unrhyw sylwadau neu anodiadau
Ar fformat ffeil PDF chwiliadwy.
Heb unrhyw lofnod neu unrhyw fanylion personol megis eich cyfeiriad neu rif ffôn
Heb unrhyw ddeunydd sy’n amodol ar hawlfraint trydydd parti: gweler Cyngor hawlfraint

Hefyd bydd angen i chi lenwi a llofnodi’r ffurflen gyhoeddi, i gadarnhau eich bod yn deall yr amodau sy’n berthnasol i roi eich traethawd ymchwil ar gael yn y gadwrfa. Dylid ei hanfon i openaccess@uwtsd.ac.uk ar adeg cyflwyno eich gwaith.

Lanlwythwch fersiwn terfynol, derbyniedig eich traethawd ymchwil mewn fformat ffeil PDF hygyrch.

Dylid lanlwytho traethawd ymchwil dim ond ar ôl cael cadarnhad ei fod wedi’i dderbyn. Peidiwch â cheisio lanlwytho eich traethawd ymchwil i’r gadwrfa tan i chi dderbyn cadarnhad i fynd ymlaen gan y Brifysgol.

Ar ôl lanlwytho eich traethawd ymchwil, caniatewch 6 wythnos i’ch traethawd ymchwil gael ei roi ar gael yn y gadwrfa. Sylwer bod archifo mewn gwasanaethau allanol megis Electronic Theses Online gan y Llyfrgell Brydeinig, Google Scholar a ProQuest y tu allan i reolaeth y Gwasanaethau Dysgu Digidol a Llyfrgell a gall gymryd mwy o amser.

I gael cymorth pellach gyda’r broses lanlwytho, cysylltwch ag openaccess@uwtsd.ac.uk

Myfyrwyr graddau Meistr: sut i gyflwyno eich traethawd hir

Mae traethodau hir graddau Meistr sydd wedi cael dyfarniad rhagorol, neu fel arall sydd wedi cael gradd llwyddo ac wedi’u hysgrifennu yn Gymraeg neu maent yn nisgyblaethau academaidd y Gymraeg, Astudiaethau Celtaidd neu Hanes Cymru, yn cael eu harchifo yng nghadwrfa’r Brifysgol. Nid yw’r Gwasanaethau Dysgu Digidol a Llyfrgell yn cadw traethodau hir graddau Meistr nad ydynt yn bodloni’r meini prawf hyn, na thraethodau hir israddedig.

Anfonir e-bost awtomatig â dolen i ffurflen ar y we i lanlwytho eu traethawd hir at fyfyrwyr sy’n cyflwyno traethawd hir eu gradd Meistr, ac ni ddylent gyflwyno gwaith yn uniongyrchol i’r gadwrfa. Dylai eich traethawd hir fod fel a ganlyn:

Fersiwn terfynol, derbyniedig eich gwaith, heb unrhyw sylwadau neu anodiadau
Ar fformat ffeil PDF chwiliadwy hygyrch.
- Cyfarwyddyd i ddefnyddwyr Microsoft Office ynghylch creu PDF hygyrch
- Creu traethawd ymchwil hygyrch : Open University
Heb unrhyw lofnod neu unrhyw fanylion personol megis eich cyfeiriad neu rif ffôn
Heb unrhyw ddeunydd sy’n amodol ar hawlfraint trydydd parti: gweler cyngor hawlfraint

Cedwir eich traethawd hir tan i’r broses asesu gael ei chwblhau. Os bydd eich gwaith yn bodloni’r meini prawf ac mae’n gymwys i’w archifo, caiff eich traethawd hir wedyn ei ychwanegu at gadwrfa’r brifysgol. Caniatewch 6 wythnos ar ôl derbyn eich canlyniad i’ch traethawd hir gael ei roi ar gael.

Os oes gennych unrhyw gwestiynau, cysylltwch ag openaccess@uwtsd.ac.uk

Cyngor Hawlfraint

Pan roddir eich traethawd ymchwil ar gael ar-lein, ystyrir ei fod yn waith cyhoeddedig. Mae hyn yn golygu bod yn rhaid i chi gael caniatâd i gynnwys unrhyw ddeunydd sydd â hawlfraint.

Rhaid i’ch traethawd ymchwil fod yn waith gwreiddiol gennych chi, a rhaid i chi dderbyn caniatâd penodol i gynnwys delweddau neu ddeunydd arall nad ydych yn berchen ar yr hawlfraint amdanynt neu dynnu’r rhain o’r fersiwn rydych yn ei lanlwytho i’r gadwrfa.

Nid oes rhaid ceisio caniatâd i gynnwys y canlynol:

Dyfyniadau byr o lyfrau, erthyglau cyfnodolion, papurau newydd a chylchgronau gyda chyfeiriad llawn o fewn terfynau ‘delio teg’
Deunydd sydd eisoes wedi’i drwyddedu gyda thelerau sy’n rhoi hawl benodol i’w ailddefnyddio, megis dan drwydded Creative Commons
Deunydd sydd allan o hawlfraint ac yn y parth cyhoeddus

Oni bai ei fod wedi’i drwyddedu’n eglur i’w ailddefnyddio, rhaid i chi geisio caniatâd i gynnwys y canlynol:

Dyfyniadau hir tu hwnt i derfynau ‘delio teg’
Ffigurau, darluniau, siartiau, tablau
Mapiau
Ffotograffau
Gwaith celf, darluniau, cartwnau
Deunydd heb ei gyhoeddi
Ffynonellau o’r Rhyngrwyd: y peth gorau fyddai darparu dolen yn lle ymgorffori’r cynnwys yn uniongyrchol o fewn eich traethawd ymchwil neu draethawd hir
Cerddoriaeth, clipiau sain, recordiadau sain
Fideos, clipiau ffilm a theledu a chipio lluniau llonydd
Hysbysebion
Eich erthyglau eich hun a gyhoeddwyd: bydd angen i chi geisio caniatâd gan eich cyhoeddwr oni bai bod eich gwaith wedi’i gyhoeddi dan drwydded sy’n rhoi hawliau ailddefnyddio, megis Creative Commons.

Ceir gwybodaeth a chymorth pellach am hawlfraint yn ein Hwb Hawlfraint neu drwy gysylltu â copyright@uwtsd.ac.uk

Fel myfyriwr, mae gennych hawlfraint fel awdur eich holl waith a gyflwynir i’w asesu. Mae’r hawliau a roddir i’r gadwrfa yn rhai anghynhwysol ac rydych yn rhydd i gyhoeddi eich gwaith yn ei fersiwn presennol neu fersiynau’r dyfodol mewn lleoedd eraill.

At ddibenion cyhoeddi, gall PCYDDS storio, copïo, neu gyfieithu’ch traethawd ymchwil neu draethawd hir yn electronig er mwyn ei gadw i’r dyfodol a hygyrchedd.

Mae traethodau hir a thraethodau ymchwil sydd wedi’u harchifo yn y gadwrfa ddigidol wedi’u trwyddedu dan delerau Creative Commons. Mae hyn yn caniatáu i bobl eraill rannu eich ymchwil ac adeiladu arno, ond rhaid iddynt roi cydnabyddiaeth i chi fel yr awdur.

Caiff traethodau ymchwil a thraethodau hir eu cadw’n barhaol yn archif o weithgarwch ymchwil y Brifysgol a gellir eu tynnu’n ôl dim ond dan yr amodau a amlinellir yn ein polisi dileu deunydd.

Cyhoeddi eich gwaith mewn mannau eraill

Os hoffech gyhoeddi eich ymchwil yn rhywle arall, dan rai amgylchiadau efallai gallwch ofyn i’ch traethawd ymchwil gael ei atal o’r Gadwrfa Ymchwil am gyfnod penodol.

I ganiatáu cyhoeddi yn y dyfodol, dim ond crynodeb traethodau ymchwil a thraethodau hir ym maes ysgrifennu creadigol a gedwir yn y Gadwrfa, ac nid y testun llawn. Dylai myfyrwyr ysgrifennu creadigol sy’n dymuno cyflwyno crynodeb nodi hyn yn eglur yn eu cyflwyniad i’r gadwrfa er mwyn i’r cofnod gael ei gatalogio’n briodol.

Os ydy’ch ymchwil yn fasnachol hyfyw neu os ydych yn dymuno cyhoeddi eich gwaith mewn cyfnodolyn neu lyfr, gallwch wneud cais i wahardd mynediad er mwyn atal testun llawn eich traethawd ymchwil rhag bod yn hygyrch yn gyhoeddus am hyd at 5 mlynedd. Rhaid i chi wneud cais cyn neu yn ystod y broses gyflwyno derfynol; fel arfer nid ystyrir ceisiadau a wneir ar ôl i’ch gradd gael ei dyfarnu.

I wneud cais i wahardd mynediad, bydd angen i chi lenwi’r ffurflen PG27 Gwaharddiad ar Fynediad sydd ar gael o Borth y Coleg Doethural a chael llofnod cymeradwyo gan eich Cyfarwyddwr Astudiaethau. Wedyn bydd angen i’r gwaharddiad gael ei gymeradwyo gan y Pwyllgor Graddau Ymchwil.

Os cymeradwyir gwaharddiad ar fynediad, bydd dal angen i chi lanlwytho eich traethawd ymchwil ond caiff y cynnwys testun llawn ei gyfyngu am y cyfnod a gytunwyd. Pan ddaw’r gwaharddiad i ben, daw testun llawn eich traethawd ymchwil ar gael i’r cyhoedd.

Mae’r broses o wneud cais i wahardd mynediad yn berthnasol i fyfyrwyr graddau ymchwil yn unig.

Mae cyfarwyddyd pellach ar gael yn y Cod Ymarfer ar gyfer Graddau Ymchwil, dan Reoliadau Graddau Ymchwil yn y Llawlyfr Ansawdd Academaidd.