Gwasanaethau Digidol » Llyfrgell ac Adnoddau Dysgu (LLR) » Defnyddio ein Llyfrgelloedd » Adnoddau Clyweledol

Adnoddau Clyweledol

Fideo Academaidd Ar-lein

Tanysgrifiad fideo amlddisgyblaethol, cynhwysfawr, sy’n rhoi mynediad i ystod o adnoddau fideo, gan gynnwys rhaglenni dogfen, cyfweliadau, ffilmiau nodwedd, perfformiadau, rhaglenni newyddion, riliau newyddion ac arddangosiadau.

Mae cynnwys â sain ddisgrifiad ar gael i’r rheini â namau ar y golwg, neu gellir gwneud cais amdano os nad yw ar gael.

Ceir gwybodaeth bellach ynghylch creu clipiau a chwilio mewn trawsgrifiadau drwy’r Alexander Street Video Platform LibGuide.

BoB (Box of Broadcasts)

Gwasanaethau teledu a radio ar alw ar gyfer addysg. Mae’n caniatáu i staff a myfyrwyr recordio rhaglenni o fwy na 75 sianel ddarllediad agored a chwilio archif o fwy na 2.5 miliwn o ddarllediadau.

Gyda BoB cewch:

Fynediad i 2.5 miliwn darllediad yn dyddio’n ôl i’r 1970au (BBC One, BBC Two, BBC Four, ITV, Channel 4, Film4 a rhagor)
Mynediad i 10 sianel ieithoedd tramor (Eidaleg, Ffrangeg ac Almaeneg)
Mynediad i gynnwys Archif Shakespeare y BBC yn dyddio’n ôl i’r 1950au
Recordio o fwy na 75 sianel ddarllediad agored
Creu eich rhestrau chwarae a’ch casgliadau clipiau eich hun
Chwilio mewn trawsgrifiadau ac is-deitlau rhaglenni
Ar gael ar bob dyfais

Sylwer bod BoB ar gael o fewn y DG yn unig.

Mae rhagor o fideos am ddefnyddio BoB ar gael o Learning Onscreen.

Digital Theatre+

Mae Digital Theatre+ yn blatfform ar gyfer astudio’r celfyddydau perfformio a thestunau dramatig, ac mae’n cynnwys miloedd o adnoddau ar-lein gan wneuthurwyr theatr ac ysgolheigion blaenllaw. Mae’r platfform yn gweithio ar bob porwr modern mawr ac ar draws sgriniau o bob maint.

Sgyrsiau HS

Mynediad at fwy na 1500 o ddarlithoedd, astudiaethau achos a chyfweliadau yn y Casgliad Busnes a Rheoli.

Crëwch gyfrif personol i gadw’n gyfredol ag adnoddau newydd sy’n cyd-fynd â’ch diddordebau.
Defnyddiwch Drawsgrifiadau, Gwneud Nodiadau a Lawrlwytho Sleidiau
Cewch fynediad ar gyfrifiadur bwrdd gwaith, gliniadur neu ddyfais symudol

Human Anatomy Atlas

Adnodd cyfeiriol cyffredinol i’r anatomi dynol gydag offer delweddu a dysgu 3D i ryngweithio ac archwilio systemau’r corff dynol.

Mae’n cynnwys mwy na 5,000 o strwythurau anatomaidd gwrywaidd a benywaidd sy’n rhyngweithiol ac yn feddygol gywir. Fe’i datblygwyd gan ddarlunwyr meddygol a hyfforddwyd yn feddygol ac a fetiwyd gan anatomyddion blaenllaw. Mae’n cwmpasu anatomeg systemig, anatomeg ranbarthol, y synhwyrau, gweithrediadau cyhyrau, a 25 o groestoriadau.

Cewch fynediad i’r Human Anatomy Atlas ar gyfrifiadur bwrdd gwaith, gliniadur neu ddyfais symudol.

Ceir gwybodaeth am y gofynion system er mwyn defnyddio’r adnodd yng Nghanolfan Gymorth Visible Body.

Gwybodaeth am ei lawrlwytho i ddyfais symudol.

LinkedIn Learning

Platfform datblygiad proffesiynol a rhwydweithio ar gyfer gyrfaoedd sy’n rhoi mynediad i filoedd o gyrsiau ar-lein.

Fel defnyddiwr LinkedIn Learning, gallwch rannu fideos, cyrsiau, Llwybrau Dysgu a Chasgliadau â defnyddwyr eraill y gwasanaeth. Caiff staff a myfyrwyr fynediad drwy ddefnyddio’ch cyfeiriad e-bost a manylion mewngofnodi ar gyfer y Drindod Dewi Sant.