Llyfrgell ac Adnoddau Dysgu

chat loading...

Benthyca, Ceisiadau ac Adnewyddiadau

Os ydych wedi colli eitem, gwneud yn siŵr eich bod yn dweud wrthym cyn gynted â phosibl trwy library@uwtsd.ac.uk  neu trwy ymweld ag un o’n llyfrgelloedd.

Bydd yn rhaid i chi dalu’r gost o gael eitem newydd yn ei lle ac os oes gennych ddirwy am yr eitem honno bydd yn rhai i chi dalu honno hefyd.

Beth fydd yn digwydd os byddaf wedi colli eitem?

  • Gallwch ddychwelyd llyfrau trwy ddefnyddio’r peiriannau hunanwasanaeth, sydd ar gael ym mhob un o’r llyfrgelloedd. Talwch sylw gofalus i’r cyfarwyddiadau ar y sgrin.
  • Mae rhai o’n llyfrgelloedd yn gweithredu blychau dychwelyd llyfrau pan mae’r llyfrgell ar gau fel y gallwch ddychwelyd llyfrau y tu allan i’r oriau agor arferol.

Gellir dychwelyd llyfrau i lyfrgell unrhyw gampws ni waeth ble y’u benthycwyd.

Dychwelyd eitemau

Ni CHODIR DIRWYON ar fenthyciadau safonol neu 1 wythnos sy’n hwyr oni bai bod un o gwsmeriaid eraill y llyfrgell wedi gwneud cais am yr eitem.

Cyflwynwyd ein polisi Dirwyon Tecach i wella’ch profiad cwsmeriaid.

Dirwyon

Byddwch yn cael e-bost i’ch cyfeiriad e-bost prifysgol yn eich hysbysu o ddyddiad dychwelyd yr eitem ac mae’n bwysig gwirio eich e-byst yn rheolaidd. Os bydd angen yr eitem arnoch eto neu os yw pob copi o’r eitem sydd ei hangen arnoch wedi’u benthyca gallwch wneud cais amdano trwy gatalog y llyfrgell.

Pan fyddwch yn benthyca eitem, bydd y llyfrgell yn ei adnewyddu’n awtomatig i chi am hyd at flwyddyn galendr neu tan i un o gwsmeriaid eraill y llyfrgell ofyn amdano neu tan i’r eitem gael ei dychwelyd.

Adnewyddiadau

Gallwch ofyn am eitemau a’u casglu o unrhyw un o’n llyfrgelloedd trwy ein gwasanaeth Clicio a Chasglu. Dylid gofyn am eitemau drwy ein catalog llyfrgell, gwyliwch y fideo isod i weld sut i wneud cais. Fe gewch e-bost i roi gwybod i chi pan fydd yr eitem ar gael i’w chasglu. Yna, bydd gennych saith diwrnod i gasglu’ch eitem. Gwiriwch oriau agor y llyfrgelloedd cyn ymweld â ni.

Os dewch chi o hyd i eitem yn ein catalog rydych chi eisiau ei benthyca, ond nid yw ar gael neu mae ar goll o’r silffoedd, gallwch wneud cais i gadw’r eitem. Pan ddaw’r eitem ar gael i’w fenthyca, cewch e-bost yn eich hysbysu ei fod yn barod i’w gasglu.

Os nad yw ein llyfrgelloedd yn cadw’r adnoddau y mae eu hangen arnoch, defnyddiwch ein gwasanaeth Angen Rhagor. Mae hefyd yn bosibl i lawer o fyfyrwyr a staff Y Drindod Dewi Sant fanteisio ar gynlluniau benthyca er mwyn ymuno â gwasanaethau llyfrgell eraill ar draws y DU. Ewch i’n tudalen Defnyddio Llyfrgelloedd Eraill i gael manylion pellach.

Wedi i chi gael e-bost yn eich hysbysu bod eitem ar gael, bydd gennych 7 diwrnod o’r dyddiad hwnnw i gasglu’r eitem.

Mae ein gwasanaeth Clicio a Chasglu yn caniatáu i chi ofyn am eitemau ar-lein a’u casglu pan fo’n gyfleus i chi.

Ceisiadau

Mae gwahanol fathau o aelodau llyfrgell sy’n cael benthyca niferoedd gwahanol o eitemau benthyciad safonol. Gweler y tabl isod i gael gwybod faint o eitemau y gallwch eu benthyca a gwneud cais amdanynt:
Aelodau Llyfrgell Benthyciadau Ceisiadau
Israddedigion 15 10
Ôl-raddedigion 20 20
Myfyrwyr Ymchwil 25 25
Staff y Brifysgol 30 25
SCONUL Access/Libraries Together Passport / External 5 5

</div

Y Fforwm, Campws Busnes Abertawe a llyfrgelloedd Caerfyrddin a Llambed – Eitemau Benthyciad Safonol (Llyfrau, DVDs ac Arteffactau)

Mae’r rhain ar gael i’w benthyca am wythnos yn y lle cyntaf a byddant yn adnewyddu’n awtomatig yn ddyddiol am hyd at flwyddyn galendr, oni bai bod un o gwsmeriaid eraill y llyfrgell yn gofyn amdanynt (neu fod eich cyfrif yn dod i ben). Mae’r casgliadau cyfeiriol yn cynnwys cylchgronau a thraethodau ymchwil ac mae’r rhain ar gael ym mhob un o’n llyfrgelloedd.

Os bydd angen i chi fenthyca eitem nad yw ar gael yn y llyfrgell, gweler ein gwasanaeth Angen Rhagor am fwy o wybodaeth drwy.

Os ydych wedi colli eitem llyfrgell, os oes gennych gwestiwn ynglŷn â’ch dirwyon, neu os oes gennych unrhyw gwestiynau eraill ynglŷn â benthyca eitemau llyfrgell, cysylltwch â’r llyfrgell ar library@uwtsd.ac.uk neu gallwch ymweld â’n llyfrgelloedd. Mae gwybodaeth am yr oriau agor ar gael yma.

  • Mae nifer cyfyngedig o liniaduron ar gael i’w benthyg am dymor byr ac mae modd eu benthyg o’r Lapsafe yn Adeilad IQ, SA1. Ar hyn o bryd mae’r cyfnod benthyg yn 7 diwrnod.
  • Mae ystafelloedd cyfrifiaduron Mynediad Agored ar gael ar draws ein campysau i fyfyrwyr eu defnyddio. Ewch i’r dudalen hon i gael gwybodaeth gyfredol ynghylch pa ystafelloedd sydd ar agor ac ar gael
  • Cyfrifiaduron o bell – gall myfyrwyr ddefnyddio hwn er mwyn cael mynediad i gyfrifiaduron Mynediad Agored o’r tu allan i’r campws, a fydd yn eu galluogi i ddefnyddio meddalwedd arbenigol tu allan i’w hamser astudio ffurfiol os na allant ddod i’r campws neu os ydy’u darlith yn cael ei chynnal yn rhithwir.
  • Os oes arnoch angen dyfais gludadwy am gyfnod hirdymor neu os oes arnoch angen help gyda chyllid tuag at gysylltu â’r rhyngrwyd, gallwch wneud cais am y Bwrsari Cysylltedd Digidol sydd ar gael i fyfyrwyr y mae arnynt angen help gyda chostau cysylltu â’r rhyngrwyd. Mae’r bwrsari hwn ar agor i’r holl fyfyrwyr llawn amser a rhan amser ac mae ar agor ar hyd y flwyddyn academaidd.

Mae peiriannau hunanwasanaeth ar gael ym mhob llyfrgell, sy’n caniatáu i chi fenthyca a dychwelyd eitemau gan ddefnyddio eich cerdyn adnabod. Pan fyddwch wedi dewis yr eitemau rydych am eu benthyca, ewch â nhw a’ch cerdyn adnabod i’r peiriant hunanwasanaeth, lle cewch dderbynneb sy’n dangos y dyddiad dychwelyd. Os oes gennych unrhyw gwestiynau, ewch i’r ddesg wasanaeth.

Ni fyddwch yn gallu defnyddio’r gwasanaeth:

  • os yw eich cerdyn adnabod wedi dod i ben
  • os yw eich cerdyn adnabod wedi’i flocio
  • os yw’ch eitem wedi’i hanfonebu am y gost o gael un newydd yn ei lle
  • i drosglwyddo eitemau sydd wedi’u benthyca ar gerdyn adnabod rhywun arall i’ch cerdyn chi
  • i adnewyddu eitemau y mae un o gwsmeriaid eraill y llyfrgell wedi gwneud cais amdanynt

Cadwch mewn cysylltiad â ni; rhowch wybod os ydych yn cael unrhyw broblemau wrth fenthyca, adnewyddu neu ddychwelyd unrhyw eitemau neu os oes gennych unrhyw gwestiynau eraill. Cysylltwch â’r llyfrgell ar library@uwtsd.ac.uk  neu trwy’r ddolen i’n llyfrgelloedd yma. Sylwch eich bod yn gyfrifol am bopeth a fenthycwyd ar eich cerdyn adnabod ac am unrhyw ddirwyon a gafwyd.

Mae ein gwasanaeth Clicio a Chasglu yn caniatáu i chi ofyn am eitemau ar-lein a’u casglu pan fo’n gyfleus i chi.

Mae dysgwyr o bell yn gymwys i ddefnyddio ein gwasanaeth benthyciadau post ar gyfer eitemau nad ydynt ar gael yn electronig a dylid cyflwyno ceisiadau am fenthyciadau post trwy ein catalog llyfrgell. Mae’r gwasanaeth hwn ar gael yn unig i’r myfyrwyr hynny sydd wedi cofrestru fel Dysgwyr o Bell. Sylwch y bydd tâl postio bychan yn cael ei ychwanegu at eich cyfrif llyfrgell ar gyfer ceisiadau am fenthyciadau post.

Ar ôl cwblhau’ch astudiaethau, bydd gofyn ichi ddychwelyd yr holl eitemau sydd gennych ar fenthyg a thalu unrhyw ddyledion. Os cewch estyniad, rhaid i hwnnw fod wedi’i gadarnhau’n swyddogol a’i gofnodi gan y Gofrestrfa cyn bydd modd ymestyn eich mynediad i’r llyfrgell hefyd.

Mae’r gwasanaeth benthyca drwy ddirprwy ar gael i’r rhai sy’n hunan-ynysu, neu’n methu cyrchu’r llyfrgell oherwydd anabledd, afiechyd cronig a/neu gyfrifoldebau gofalu.  I enwebu benthyciwr drwy ddirprwy, llenwch y ffurflen hon.

Cysylltwch a ni trwy’r swigen Sgwrsio a’r Llyfrgell ar y dudalen hon os oes genych unrhyw gwestiynau.

Gallwch ddefnyddio ein peiriannau hunanwasanaeth i fenthyca/adnewyddu/dychwelyd eitemau neu gall staff eu benthyca i chi wrth y ddesg wasanaeth mewn unrhyw lyfrgell (rhaid i chi ddangos eich cerdyn adnabod bob tro).

Rhaid dychwelyd eitemau erbyn y dyddiad/amser sydd wedi’u stampio ar y label dyddiad neu ar y dderbynneb os ydych wedi benthyca’r eitem i chi’ch hun. Chi sy’n gyfrifol am bob eitem a fenthycir ar eich cerdyn adnabod.

Gallwch fenthyca eitemau o’n casgliadau safonol am y flwyddyn academaidd gyfan.

Benthyca