Gwasanaethau Digidol » Llyfrgell ac Adnoddau Dysgu (LLR) » Defnyddio ein Llyfrgelloedd » Cael Mynediad i Lyfrgelloedd y tu allan i PCYDDS

Cael Mynediad i Lyfrgelloedd y tu allan i PCYDDS

Weithiau mae angen i fyfyrwyr a staff y Drindod Dewi Sant fenthyca llyfrau, defnyddio casgliadau at ddibenion cyfeirio neu gael lle tawel i astudio neu weithio yn agosach at ble maen nhw’n byw.

Mynediad SCONUL

Mae cynllun Mynediad SCONUL yn galluogi aelodau unrhyw lyfrgelloedd academaidd eraill sy’n cymryd rhan yn y DU i fenthyca gan unrhyw un o’r sefydliadau a restrir yng nghynllun Mynediad SCONUL.

Pwy all ymuno

Staff academaidd ar gontractau tymor agored neu gyfnod penodol.
Myfyrwyr ymchwil ôl-raddedig sydd wedi cofrestru ar gyfer PhD, MPhil neu gymhwyster tebyg.
Myfyrwyr rhan-amser, dysgu o bell a lleoliad.
Ôl-raddedig llawn amser.

Mathau o fynediad

Mynediad i fenthyca	i holl staff y Brifysgol
Ôl-raddedigion Ymchwil (PhD, MPhil neu gymhwyster tebyg)	Mynediad i fenthyca
Ôl-raddedigion Addysgedig (cymhwyster lefel Meistr neu Dystysgrif)	Mynediad i fenthyca
Israddedigion Rhan-Amser a Dysgu o Bell (Wedi cofrestru ar gyrsiau sy’n rhedeg am o leiaf 1 flwyddyn)	Mynediad i fenthyca
Israddedigion Llawn Amser	Mynediad cyfeirio yn unig

Sut i wneud cais am fynediad

I fod yn gymwys i wneud cais, ni ddylai eich cyfrif fod â benthyciadau hwyr na dirwyon heb eu talu. Gwnewch yn siŵr bod pob llyfr hwyr yn cael ei ddychwelyd a bod pob dirwy wedi’i dalu cyn gwneud eich cais i ymuno.
Ar gyfer y broses ymgeisio ar-lein, bydd angen i chi ddarparu manylion eich cyfeiriad e-bost Prifysgol UWTSD yn ogystal â rhif y Llyfrgell sy’n ymddangos ar eich Cerdyn Prifysgol UWTSD.
Gwnewch gais ar-lein drwy wefan SCONUL Access
Unwaith y bydd eich cais wedi’i dderbyn, argraffwch y ddogfen dilysu e-bost y byddwch yn ei derbyn
Dim ond un ffurflen gais sydd angen i chi ei chyflwyno ar gyfer cynllun mynediad SCONUL
Bydd angen i chi gofrestru ym mhob llyfrgell yr hoffech ymweld â hi. Mae bob amser yn well gwirio beth yw’r gofynion yn y llyfrgell dan sylw cyn eich ymweliad cyntaf, gan y bydd rhai llyfrgelloedd yn gofyn am lun pasbort, er enghraifft. Fel arfer, bydd y llyfrgell yr ydych yn ymweld â hi yn rhoi tocyn llyfrgell i chi fel y gallwch fenthyca llyfrau neu gael mynediad cyfeirio nes bod eich aelodaeth SCONUL Access yn dod i ben. Hefyd, gwiriwch y trefniadau parcio ym mhob campws yr hoffech ymweld ag ef. Gall rhai llyfrgelloedd sy’n cymryd rhan yng nghynllun SCONUL Access hefyd gymhwyso eu cyfyngiadau eu hunain, gan gynnwys cyfnodau o’r flwyddyn pan na all aelodau SCONUL Access ymweld neu pan na allant gofrestru, felly cysylltwch â’r llyfrgell cyn mynd ar unrhyw ymweliad posibl.
Bydd angen i chi fynd â’r ddogfen dilysu e-bost rydych chi wedi’i derbyn a’i hargraffu gyda chi, yn ogystal â’ch Cerdyn Adnabod Prifysgol UWTSD, sy’n cynnwys eich rhif Llyfrgell.
Am unrhyw ymholiadau cysylltwch â sconul@uwtsd.ac.uk

Cynllun Pasbort Llyfrgelloedd Gyda'i Gilydd

Mae Cynllun Pasbort Llyfrgelloedd Gyda’i Gilydd yn galluogi unrhyw aelod o wasanaethau llyfrgelloedd cyhoeddus Abertawe, Castell-nedd Port Talbot, Sir Gaerfyrddin, Ceredigion, Powys a Sir Benfro i fenthyca gan unrhyw un o’r sefydliadau a restrir .

Sut ydw i'n ymuno?

I ymuno, bydd angen i chi lenwi ffurflen Pasbort Llyfrgelloedd Gyda’i Gilydd . Ar ôl ei chwblhau, gellir cyflwyno’r ffurflen yn y Ddesg Gymorth yn unrhyw un o’n llyfrgelloedd a bydd cyfrif benthyciwr llyfrgell yn cael ei greu i chi.