Llyfrgell ac Adnoddau Dysgu

chat loading...

Datrys Problemau

Mae gennym nifer fawr o e-adnoddau ac, er ein bod yn ceisio sicrhau mynediad di-dor iddynt, mae’n bosibl y byddwch o bryd i’w gilydd yn cael anawsterau wrth gyrchu adnoddau.
Gall y problemau hyn gael eu hachosi gan lawer o wahanol ffactorau fel cyhoeddwyr yn diweddaru eu platfformau ar-lein neu broblemau penodol gyda chyfrifiadur neu ddyfais defnyddiwr. Rydym yn cysylltu â defnyddwyr a darparwyr adnoddau i geisio datrys problemau ac adfer mynediad i adnoddau ar-lein cyn gynted â phosibl.

Nod y canllaw hwn yw rhoi cymorth gyda phroblemau cyffredin y gallech ddod ar eu traws. Os oes angen help arnoch i chwilio neu ddod o hyd i ddeunydd perthnasol gan ddefnyddio unrhyw un o’n hadnoddau, cysylltwch â’ch Llyfrgellydd Cyswllt Academaidd.

Problemau Cyffredin

Os yw’r e-lyfr neu’r e-gyfnodolyn wedi’i restru ar gatalog y llyfrgell ond wrth glicio ar y ddolen rydych chi’n derbyn neges yn nodi nad yw’r eitem ar gael, rhowch wybod i ni gan ddefnyddio’r riportiwr dolenni toredig.
Gwnewch yn siŵr eich bod yn defnyddio’r enw mewngofnodi cywir. I gyrchu’r holl adnoddau defnyddiwch eich enw mewngofnodi a chyfrinair Prifysgol, a chysylltwch â chymorth TG os oes angen i chi ailosod eich cyfrinair.
Os ydych chi’n ceisio cyrchu adnodd y daethoch chi o hyd iddo gan ddefnyddio peiriant chwilio ac rydych chi oddi ar y campws, mae’n bosibl na fydd yn adnabod eich manylion mewngofnodi hyd yn oed os yw’r llyfrgell yn tanysgrifio i’r adnodd.

Defnyddiwch y cyfleuster catalog y llyfrgell i chwilio am adnoddau yr ydych chi eisiau eu cyrchu, gan ei fod yn rhoi’r dolenni cywir i fewngofnodi i eAdnoddau.

Alternatively, you can use the browser extension LibKey Nomad when using search engines as this will show you what the library has access to. 

Os ydych chi wedi cael mynediad i’r adnodd trwy catalog y llyfrgell ond rydych chi’n dal i gael cais i dalu, llenwch y ffurflen rhoi gwybod am nam oherwydd gallai fod problem gyda’n tanysgrifiad.

Wrth geisio cyrchu cylchgronau electronig, mae’n bosibl y gwelwch nad ydych yn gallu cael mynediad i erthyglau neu rifynnau penodol. Defnyddiwch y cyfleuster catalog y llyfrgell i weld pa flynyddoedd y caiff y llyfrgell eu cyrchu.

Weithiau mae nifer o ddolenni ag ystodau dyddiadau gwahanol. Dewiswch y ddolen sydd â’r dyddiadau mwyaf perthnasol ar gyfer eich anghenion chi.

Os yw’r erthygl rydych chi’n chwilio amdani wedi’i chynnwys yn yr ystod dyddiadau ar y cyfleuster catalog y llyfrgell ac nid ydych yn gallu ei chyrchu, llenwch y ffurflen rhoi gwybod am nam oherwydd bydd angen i ni wirio ein cofnodion.
Os yw’r e-lyfr neu’r e-gylchgrawn wedi’i restru ar y cyfleuster catalog y llyfrgell ond wrth glicio ar y ddolen rydych chi’n cael neges yn dweud nad yw’r eitem ar gael, rhowch wybod i ni gan ddefnyddio’r ffurflen rhoi gwybod am nam.
Os yw’r ddolen a ddarperir gan y cyfleuster catalog y llyfrgell yn mynd â chi at y llyfr neu’r erthygl cylchgrawn anghywir, neu’n arwain at neges gwall, megis:
  • HTTP 404 Error Message
  • EZProxy Hostname error

Rhowch wybod i ni gan ddefnyddio’r ffurflen rhoi gwybod am nam.
Gall rhoi cynnig ar borwr gwahanol fod o help weithiau oherwydd mae darparwyr adnoddau yn aml yn ffafrio porwr penodol; dylech hefyd wneud yn siŵr fod gennych y fersiwn diweddaraf sydd ar gael o’ch porwr.
Os oes gennych neges gwall HTTP400 gall clirio eich storfa/briwsion ac ailddechrau eich porwr helpu gan ei fod yn sicrhau fod eich porwr yn ceisio llwytho fersiwn mwyaf diweddar tudalen we. Gweler tudalennau cymorth y porwr penodol:
Mae’n bosibl y bydd defnyddwyr oddi ar y campws a defnyddwyr ar y campws sy’n cysylltu trwy eduroam gyda’u dyfeisiau eu hunain weithiau’n cael problemau oherwydd nad yw’r feddalwedd wal dân a’r feddalwedd ddiogelwch yn caniatáu mynediad i’n dirprwy weinydd.

Os cewch chi neges fod y cysylltiad wedi’i wrthod neu os gwelwch y gwall “Page Not Found” mae’n debygol mai’r achos am hyn yw’r gosodiadau diogelwch ac mae’n bosibl y bydd angen i chi addasu’r rhain i gael mynediad i’n dirprwy weinydd. I gael rhagor o wybodaeth gweler tudalennau cymorth y system weithredu benodol:

Os ydych ar gyfrifiadur gwaith (mae gan rwydweithiau’r Weinyddiaeth Amddiffyn (MoD) a’r Gwasanaeth Iechyd Gwladol (GIG) osodiadau wal dân llym iawn) mae’n bosibl y bydd angen i chi gysylltu â desg gymorth TG eich cwmni i weld a oes modd addasu’r wal dân i ganiatáu mynediad i chi i ddirprwy weinydd y llyfrgell.

Golyga hyn fod gennym drwydded defnyddwyr cyfyngedig ar gyfer y teitl hwnnw a bod uchafswm y nifer o ddefnyddwyr a nodir ar y drwydded wedi’i gyrraedd.


Trwy glicio ar y botwm “add to queue” neu “reserve” byddwch yn cael e-bost pan fydd copi ar gael. Pan fydd ar gael bydd hyn a hyn o amser gennych i gyrchu / lawrlwytho’r e-lyfr cyn iddo symud at y person nesaf yn y ciw.

Lle bydd ein trwyddedau defnyddwyr yn gyfyngedig a dim ond hyn â hyn o gopïau gennym, efallai na fydd opsiynau i lawrlwytho ar gael er defnydd teg i bob myfyriwr.

Ni ellir adnewyddu e-lyfrau. Os yw eich cyfnod lawrlwytho wedi dod i ben gallwch fel arfer ei lawrlwytho eto ar unwaith os nad oes unrhyw un arall yn y ciw.


Ni ellir dychwelyd e-lyfrau. Bydd eich mynediad yn dod i ben yn awtomatig ar ddiwedd y cyfnod lawrlwytho rydych chi wedi’i ddewis.

Anaml iawn y byddwn yn prynu’r holl lyfrau sydd ar gael ar blatfform. Os nad yw teitl wedi’i restru ar y cyfleuster catalog y llyfrgell mae’n debygol nad oes gennym fynediad ato ond anfonwch e-bost i needmore@uwtsd.ac.uk i wirio.
Gwiriwch ein tudalen lawrlwytho e-lyfrau ar gyfer cyfarwyddiadau gan ein darparwyr e-lyfrau neu cysylltwch â library@uwtsd.ac.uk.
Mewn rhai achosion, fe welwch neges sy’n dweud nad yw eitem ar gael am ei bod yn cael ei defnyddio gan ddefnyddiwr arall.  Os oes mwy nag un ddolen i’r llyfr, rhowch gynnig ar bob dolen i weld os oes eitem arall ar gael.  Os na, efallai bydd rhaid i chi aros nes bydd copi ar gael.  Cyfyngiadau trwyddedu yw’r rheswm dros hyn, lle caniateir defnyddio copi gan un neu ddau ddefnyddiwr ar y tro yn unig.

Materion sy’n Hysbys

Human Anatomy Atlas 2021 a Muscle 2018


Nid yw’r apiau symudol uchod yn cael eu cefnogi gan Google bellach ar fersiynau Android mwy newydd. Maent yn dal i fod ar gael ar gyfer dyfeisiau iOS.

Dal i gael problemau?

Os na allwch ddod o hyd i'r ateb i'ch problem yn y rhestr uchod, a'ch bod yn dal i gael problemau cyrchu ein hadnoddau, rhowch wybod amdano gan ddefnyddio'r botwm isod.
Gohebydd cyswllt toredig