chat loading...
Gallwch ffeindio’ch ffordd o gwmpas ardaloedd Llyfrgelloedd y Drindod Dewi Sant yn hawdd drwy ddefnyddio’r swyddogaeth Explore yn Stackmap!
P’un a ydych yn chwilio am lyfr ar bwnc penodol, neu am le o fewn y llyfrgell (h.y. ystafell astudio neu ble mae’r peiriannau argraffu) bydd Explore yn dangos i ble mae angen i chi fynd!
Cliciwch ar ddolen Explore a dewis naill ai ‘subjects’ neu ‘places’ (neu gallwch chwilio am bwnc / lle gan ddefnyddio’r blwch chwilio).
Cliciwch ar fap llawr y Llyfrgell o’ch dewis i weld union leoliad eich pwnc / lle ar y llawr hwnnw. Bydd y lleoliad yn cael ei amlygu mewn PORFFOR / COCH!
Defnyddiwch y nodwedd Chwyddo i gynyddu/lleihau maint y map (ar ddyfais symudol gallwch ddefnyddio’ch bys, neu ddefnyddio llygoden ar gyfrifiadur).
Cliciwch ar y botwm ‘hafan’ neu ar logo Stackmap i ddechrau eto.
Cliciwch ar logo Prifysgol Cymru Y Drindod Dewi Sant i fynd â chi i dudalen hafan y Llyfrgell.
Mae arwydd ar ddiwedd pob bae o lyfrau’n rhestru’r pynciau sydd ar gael ymhob bae, ynghyd â’u rhifau.
Mae ein llyfrgelloedd yn defnyddio system ddosbarthu Degol Dewey, sef y system ddosbarthu a ddefnyddir yn fwyaf eang yn y byd. Mae hon yn rhannu’r holl wybodaeth yn ddeg prif ddosbarth:
| 000 | Cyfrifiadureg, gwybodaeth a gweithiau cyffredinol |
| 100 | Athroniaeth a seicoleg |
| 200 | Crefydd |
| 300 | Gwyddorau cymdeithasol |
| 400 | Iaith |
| 500 | Gwyddoniaeth |
| 600 | Technoleg |
| 700 | Y celfyddydau a hamdden |
| 800 | Llenyddiaeth |
| 900 | Hanes a daearyddiaeth |
Mae pob un o’r prif ddosbarthiadau hyn wedi’i rannu’n ddeg adran, e.e.
| 700 | Y Celfyddydau cyffredinol |
| 710 | Cynllunio ardaloedd a phensaernïaeth tirweddau |
| 720 | Pensaernïaeth |
| 730 | Cerflunio, cerameg a gwaith metel |
| 740 | Y celfyddydau graffig a’r celfyddydau addurnol |
Ac yn y blaen.
Mae’r trydydd digid yn dynodi’r is-adran, e.e.
| 725 | Pensaernïaeth: adeiladau cyhoeddus |
| 727 | Pensaernïaeth: adeiladau at ddibenion addysgol |
| 728 | Pensaernïaeth: adeiladau preswyl |
Wedyn fel arfer ceir pwynt degol, ac ar ôl hwnnw mae’r pwnc yn cael ei rannu ymhellach. Mae’r pwynt degol yn ei gwneud yn haws darllen y rhif, ond nid oes unrhyw arwyddocâd mathemategol iddo!
| 727.3 | Adeiladau prifysgol |
| 728.09429 | Tai: Cymru |
Yn y Drindod Dewi Sant, rydym ni hefyd yn defnyddio olddodiad tair llythyren ar ôl y rhifau.
Fel arfer mae hwn yn cynnwys tair llythyren gyntaf enw’r awdur. Os oes golygydd i’r gwaith, defnyddir tair llythyren gyntaf naill ai’r golygydd neu’r teitl. Os ydy’r gwaith yn ymwneud ag artist neu bensaer, rydym ni’n defnyddio tair llythyren gyntaf ei enw/ei henw. Mae gweithiau am raglenni cyfrifiadurol yn defnyddio tair llythyren gyntaf y rhaglen.
Mae hyn yn helpu i ddod o hyd i waith unigol ar y silff. E.e.
| 727.6 EXE | Exell, Karen. The global spectacular |
| 720.92 AAL | Stewart, John. Alvar Aalto,architect |
| 006.693 GPU | Engel, Wolfgang (ed.). GPU Zen 2: advanced rendering techniques |
Dewey®, DDC® a Dewey Decimal Classification® yw nodau masnach perchnogol OCLC Online Computer Library Center, Inc. ac fe’u defnyddir gyda chaniatâd.
