chat loading...
Mae’r adnoddau isod yn gallu eich helpu chi gyda’ch ymchwil.
Mae LibKey Nomad yn estyniad i borwr sy’n darparu’n awtomatig fynediad i destun llawn erthyglau cyfnodolion ac e-lyfrau y mae’r Drindod Dewi Sant yn tanysgrifio iddynt, neu i fersiynau amgen sydd â mynediad agored, tra byddwch yn gwneud eich ymchwil ar y we.
Mae Libkey Nomad yn gwirio gwybodaeth llyfrgell am ei daliadau ac wedyn mae’n gwirio am fersiynau amgen mynediad agored er mwyn sicrhau eich bod yn cael eich cyfeirio at y fersiwn gorau o erthygl sydd ar gael. Mae hefyd yn integreiddio’n uniongyrchol â PubMed gan ganiatáu i chi lawrlwytho erthyglau o’r canlyniadau chwilio.
Mae LibKey Nomad ar gael i’r porwyr mwyaf poblogaidd (Chrome, Firefox, Edge, Safari).
Pan fyddwch chi’n glanio ar dudalen ag erthygl sydd ar gael i’w lawrlwytho, bydd LibKey Nomad yn arddangos rhybudd ar ochr chwith gwaelod eich sgrin.
Cliciwch ar hwn i lawrlwytho’r PDF, os ydych chi oddi ar y campws, gofynnir i chi fewngofnodi drwy sgrin fewngofnodi’r Drindod Dewi Sant gyda’ch enw defnyddiwr a chyfrinair prifysgol. Nid yw LibKey Nomad yn storio’ch manylion mewngofnodi.
Os nad oes tanysgrifiad gan y brifysgol ac nid oes fersiwn mynediad agored ar gael, bydd y botwm Access Options yn ymddangos. Os cliciwch ar hwn bydd yn mynd â chi i catalog y llyfrgell lle gallwch wneud cais am yr eitem drwy ein Gwasanaeth Angen Rhagor.
Mae LibKey Nomad hefyd yn rhoi mynediad i e-lyfrau bellach. Os ydy’r Drindod Dewi Sant yn tanysgrifio i’r e-lyfr, bydd y botwm View E-book yn ymddangos ar y dudalen. Os ydych chi oddi ar y campws, gofynnir i chi fewngofnodi drwy sgrin fewngofnodi’r Drindod Dewi Sant gyda’ch enw defnyddiwr a chyfrinair prifysgol. Nid yw LibKey Nomad yn storio’ch manylion mewngofnodi. Mae’r botwm yn gweithio ar blatfformau megis Amazon, Wikipedia a Google Books yn ogystal â phlatfformau cyhoeddwyr.
Mae Google Scholar yn gallu bod yn offeryn ymchwil defnyddiol, sy’n chwilio ar draws ystod eang o lenyddiaeth academaidd. Gallwch ddod o hyd i erthyglau, traethodau ymchwil, penodau llyfrau a chrynodebau cynadleddau yno o gadwrfeydd ymchwil prifysgolion a gwefannau ysgolheigaidd.
Pan fyddwch chi ar y campws, mae Google Scholar wedi’i ffurfweddu i ddangos yr opsiynau testun llawn sydd ar gael i chi drwy danysgrifiadau’r llyfrgell. Bydd clicio ar View It @UWTSD Library yn mynd â chi i’r eitem o fewn catalog y llyfrgell.
Gallwch chi hefyd ffurfweddu Google Scholar i ddangos hyn pan fyddwch chi oddi ar y campws.
Gallwch chi hefyd osod Google Scholar i fewnforio cyfeiriadau’n syth i mewn i RefWorks, yr offeryn rheoli cyfeiriadau.
Dyna ni, rydych chi’n barod i fynd.
Cofiwch fod Google Scholar yn defnyddio ystod eang o ffynonellau ac ni fyddant i gyd o ansawdd uchel. Er byddwch efallai yn dod o hyd i rai adnoddau defnyddiol mae’n hanfodol eu gwerthuso. Gallwch ddysgu rhagor am hyn yn ein hadran Sgiliau.