Rhestrau Adnoddau ar-lein

Gall rhestr ddarllen/ adnoddau dda alluogi myfyrwyr i reoli eu darllen yn fwy effeithiol, datblygu eu sgiliau ymchwil annibynnol, cyfoethogi eu dysgu a’u dealltwriaeth o bwnc a chodi cyfraddau boddhad myfyrwyr.

Mae polisi rhestrau darllen y Drindod Dewi Sant yn darparu fframwaith i sicrhau bod y Llyfrgell ac Adnoddau Dysgu a staff academaidd yn gweithio gyda’i gilydd i wella profiadau myfyrwyr o weithio gyda rhestrau darllen. Fodd bynnag dyma gyngor da i’ch rhoi ar ben ffordd:

• Dylech gynnwys ystod o adnoddau dysgu’n cynnwys llyfrau, cyfnodolion, clipiau fideo, podlediadau, lluniau, arteffactau a gwefannau.
• Byddwch yn realistig; gwnewch yn fawr o adnoddau sydd ar gael o’r llyfrgell ar hyn o bryd neu y mae’n hawdd cael gafael arnynt h.y. nid ydynt allan o brint neu’n eithriadol o ddrud.
• Diweddarwch eich rhestrau’n rheolaidd er mwyn sicrhau eu bod yn cynnwys deunydd cyfredol, yr argraffiadau mwyaf diweddar, eu bod yn gywir a bod unrhyw URL yn adlewyrchu’r cyfeiriad gwe (URL) cyfredol.
• Cysylltwch restrau adnoddau â’r ddarpariaeth Sgiliau Gwybodaeth er mwyn helpu myfyrwyr i ddatblygu eu sgiliau llythrennedd digidol a llythrennedd gwybodaeth wrth iddynt symud ymlaen drwy eu cwrs.
• Sicrhewch eu bod yn amrywiol ac yn cynrychioli’r corff myfyrwyr
  • Offeryn asesu cydbwysedd rhwng y rhywiau
  • Offeryn i’ch helpu i gynnwys awduron o grwpiau sydd heb gynrychiolaeth ddigonol yn eich addysgu: Diversity Reading List 
  • Chwiliwch am fenywod sy’n arbenigwyr yn eich maes: Women Also Know Stuff 
• Gwnewch yn siŵr eu bod ar gael ar fformat electronig, gan ddileu rhwystrau i garfannau mawr a myfyrwyr nad ydynt ar y campws.

Darllen Pellach: Pedagogy of Reading Lists