chat loading...
Mae ORCID yn golygu Rhif Adnabod Agored Ymchwilwyr a Chyfranwyr. Mae’ch rhif ORCID yn ddynodydd unigryw, parhaol sy’n rhad ac am ddim i ymchwilwyr ac mae’n gallu helpu i sicrhau bod eich grantiau, cyhoeddiadau a chynnyrch i gyd yn cael eu priodoli’n gywir i chi. Mae ORCID yn sefydliad byd-eang, nid-er-elw a gynhelir gan ffioedd sefydliadau sy’n aelodau. Mae cyhoeddwyr a chyllidwyr ymchwil yn defnyddio ORCID yn fwyfwy i ddynodi ymchwilwyr sy’n cyflwyno ceisiadau a chyhoeddiadau.
Mae ORCID yn para am oes: os byddwch yn newid sefydliad i unrhyw le yn y byd, byddwch yn mynd ag ef gyda chi. Yn wahanol i ddynodwyr cyflogwyr neu gyhoeddwyr, chi sy’n rheoli eich cofnod ORCID ac mae’n aros gyda chi gydol eich gyrfa. Mae sefydliadau megis HESA, y Wellcome Trust a chyhoeddwyr yn defnyddio ORCID i sicrhau bod pob agwedd ar y broses ymchwil a chyhoeddi’n cysylltu â’i gilydd yn ddi-dor. Bydd cofrestru am rif ORCID yn caniatáu i sefydliadau dibynadwy ychwanegu eich gwybodaeth ymchwil at eich cofnod, gan gadw eich holl ymchwil gyda’i gilydd mewn un lle, hyd yn oed os cafodd ei gyflawni gyda nifer o sefydliadau neu gyflogwyr.
Mae’r Drindod Dewi Sant bellach yn cofnodi rhifau ORCID ar Gadwrfa Ymchwil y Brifysgol ac mae’n bwriadu integreiddio ag ORCID yn y dyfodol. Argymhellwn yn gryf fod yr holl ymchwilwyr yn gwneud cais am rif ORCID ac yn ei ddefnyddio wrth adneuo cyhoeddiadau newydd yn y Gadwrfa er mwyn manteisio ar y gallu hwn.
I ymuno, bydd angen i chi gwblhau ffurflen Pasbort Llyfrgelloedd ynghyd. Unwaith wedi’i chwblhau, gellir cyflwyno’r ffurflen yn y Desg Gymorth ym mhob un o’n llyfrgelloedd a bydd cyfrif benthyg llyfrgell yn cael ei greu i chi.
Mae gwybodaeth ddefnyddiol i’ch helpu i wneud yn fawr o’ch rhif ORCID ar gael gan ORCID yn ORCID i Ymchwilwyr
Nawr gallwch chi gysylltu eich cyfrif ORCID â’ch cyfrif Cadwrfa Ymchwil PCYDDS. Mae hyn yn caniatáu ichi gynnwys eich iD ORCID yn awtomatig gyda chyflwyniadau Cadwrfa yn y dyfodol, ac i fewnforio eich ymchwil o’ch proffil ORCID i’ch cyfrif Cadwrfa ar gyfer adneuo, neu allforio ymchwil a gyflwynwyd yn flaenorol i’n Hystorfa i’ch proffil ORCID.
