chat loading...
Croeso i ganllaw PCYDDS ar Reoli Data Ymchwil.
Os ydych yn cychwyn ar brosiect ymchwil newydd, bydd angen i chi ystyried beth yw’r ffordd orau o reoli eich data ymchwil. Mae rheoli data ymchwil yn effeithiol yn rhan hanfodol o bob gwaith ymchwil da, p’un a yw wedi’i gyllido gan noddwr allanol neu heb ei gyllido.
Dewiswch o’r dolenni isod i ddysgu rhagor am reoli data ymchwil, darllen ein polisi Prifysgol neu i adneuo’ch data ymchwil.
Mae’r polisi hwn yn diffinio’r cyfrifoldebau ar lefel unigol a sefydliadol a ddylai arwain gwaith y rheini sy’n ymwneud â chasglu, curadu, storio a chynnal a chadw data ymchwil. Mae’n nodi ar ba sail y bydd staff a myfyrwyr ymchwil ôl-raddedig y Brifysgol yn prosesu unrhyw ddata personol a gesglir oddi wrth destunau data wrth gynnal ymchwil, neu a ddarperir ar gyfer y rheini sy’n cynnal ymchwil gan destunau data neu ffynonellau eraill at yr un diben. Bydd y polisi hwn yn sicrhau y rheolir data ymchwil a gynhyrchir gan ei staff a’i myfyrwyr ymchwil ôl-raddedig yn ôl y safonau uchaf gydol cylch oes y data ymchwil yn unol â deddfwriaeth berthnasol.
Addaswyd o ddeunydd gan Brifysgol Rhydychen dan drwydded Creative Commons Attribution 4.0 Unported (CC BY 4.0) . Cynnwys gwreiddiol yn: http://researchdata.ox.ac.uk/
