chat loading...
Y mae croeso i staff academaidd archebu llyfrau ac e-lyfrau ar gyfer stoc y Llyfrgell.
Rhowch 3 – 4 wythnos er pan wnaethoch gyflwyno eich archeb cyn i’r adnoddau gael eu rhoi ar silffoedd y Llyfrgell. Mae hyn hefyd yn rhoi amser i ni ychwanegu eich archeb at y catalog a phrosesu’r adnoddau yn barod i’w benthyca. Mae’r Llyfrgell yn defnyddio cyflenwyr cyflenwadau sylweddol arbenigol sy’n rhoi gostyngiad penodol i ni ac yn darparu gwasanaethau prosesu ar gyfer y llyfrgell yn ogystal, er mwyn sicrhau ein bod ni’n gallu rhoi eich adnoddau ar y silffoedd cyn gynted ag sy’n bosibl.
Gall archebion am adnoddau arbenigol, megis arteffactau addysgu neu lyfrau sydd allan o brint, ac archebion a wneir yn ystod y cyfnodau brig (misoedd Awst – Medi a misoedd Mai – Gorffennaf) gymryd yn hirach i’w prosesu. Os oes angen eu harcheb arnoch ar frys, cysylltwch â’r llyfrgell, a gwnawn ein gorau glas i’w blaenoriaethu.
Rydyn ni wedi llunio’r canllaw canlynol ar gyfer staff y Brifysgol gydag atebion i rai cwestiynau cyffredin am archebu adnoddau ar gyfer stoc y llyfrgell. Os oes gennych chi unrhyw ymholiadau eraill nad ydynt wedi’u cynnwys yma, cysylltwch â ni.
Gallwch archebu drwy ddefnyddio’r ffurflen archebu ar-lein ar wefan y llyfrgell,
Os ydych wedi lanlwytho eich rhestr ddarllen i’n llwyfan Rhestrau Adnoddau Ar-lein, bydd ceisiadau prynu yn cael eu creu’n awtomatig os nad yw’r eitem mewn stoc. Nid oes angen archebu unrhyw lyfrau a ychwanegir at Restrau Adnoddau Ar-lein ar wahân, a byddwn ni’n cysylltu â chi os na allwn ni eu darparu.
Gallwch ofyn am e-lyfrau, llyfrau print, cyfnodolion ac e-adnoddau ar gyfer stoc y llyfrgell. Sylwer nad yw’r llyfrgell bellach yn archebu casetiau fideo neu DVDs fel arfer, a’i nod yw cefnogi darpariaeth fideo drwy wasanaethau ffrydio ar-lein pan fo’r rhain ar gael.
Caiff yr holl ddeunydd a archebir ei gadw yn ein llyfrgelloedd; ni allwn ni brynu llyfrau i’w cadw gan adran, na chopïau personol.
Cymaint o wybodaeth am y llyfr ag y bo modd, megis y teitl, awdur, cyhoeddwr, dyddiad cyhoeddi. Hefyd, bydd angen nodi unrhyw wybodaeth arall sy’n gysylltiedig â’r cwrs ar y ffurflen archebu ar-lein.
Byddwn yn ymdrechu i brynu popeth sydd ei angen, fodd bynnag, gall y pris neu gyfyngiadau ar gyflenwad effeithio ar y gwaith o brynu. Mae canllawiau manwl ar gael yn ein Polisi Datblygu Casgliadau a’n Polisi Rhestrau Adnoddau Ar-lein.
Yn gyffredinol, bydd teitl print yn cymryd hyd at fis i gyrraedd, ond gellir darparu e-lyfr ymhen ychydig ddyddiau ar ôl archebu.
Nac ydynt, nid yw’r holl deitlau print ar gael ar ffurf e-lyfrau ac o bryd i’w gilydd ni fydd e-lyfr, er ei fod ar gael ar ffurf electronig, ar gael i’w brynu gan ein cyflenwyr. Er enghraifft, dim ond i unigolyn y gellir trwyddedu e-lyfrau Amazon Kindle ac ni all y llyfrgell eu prynu i nifer o fyfyrwyr a staff eu defnyddio. Mae’r llyfrgell yn gweithio gyda nifer o gyflenwyr arbenigol yn y diwydiant sy’n darparu mynediad i lyfrau academaidd ar-lein gyda thrwyddedau ar draws y brifysgol.
Mae e-lyfrau ar gael i’w prynu gydag amrywiaeth o drwyddedau, ond mae hyn yn dibynnu ar y cyflenwr.
Polisi LlAD yw prynu’r drwydded leiaf cyfyngol o fewn terfynau’r gyllideb. Ceir canllawiau manwl yn ein Polisi Datblygu Casgliadau.
Oes ond bydd hyn yn dibynnu ar nifer y myfyrwyr sy’n astudio ar bob modwl ac a yw’r llyfr yn destun darllen hanfodol neu ddarllen pellach.
Defnyddir ein Polisi Rhestr Adnoddau Ar-lein a'n canllawiau Polisi Datblygu Casgliadau i sicrhau bod nifer deg a phriodol o gopïau print yn cael eu cadw i ateb y galw gan aros o fewn cyfyngiadau cyllidebol. Os gwelir bod galw mawr am lyfrau, e.e., pan fydd llawer o archebion gan fyfyrwyr, archebir copïau ychwanegol yn awtomatig pan fo'n bosibl. Sylwer nad yw bob amser yn bosibl i ni brynu copïau lluosog; er enghraifft, pan fydd llyfr allan o brint, neu'n ddrud iawn.
Byddwn ni’n gwneud pob ymdrech i ddod o hyd i’r llyfrau sydd eu hangen, ond weithiau ni fydd hyn yn bosibl. Byddwn yn rhoi gwybod i chi os felly y mae hi ac yn awgrymu eich bod yn cysylltu â’ch Llyfrgellydd Cyswllt Academaidd neu’r Llyfrgellydd Caffael a Thanysgrifiadau a all gysylltu â chyflenwyr arbenigol llyfrgell a helpu i awgrymu dewisiadau eraill.
Pan fo’n bosibl, byddwn yn archebu llyfrau ar ffurf e-lyfr i fyfyrwyr eu darllen ar-lein. Os nad oes e-lyfr ar gael, byddwn yn ymdrechu i archebu copïau print, a gallwn ddigideiddio rhywfaint o destun o’r rhan fwyaf o lyfrau print o dan y Drwydded CLA sydd i’w cadw ar ADRh y Brifysgol. Os nad yw’r trefniant hwn yn diwallu eich anghenion, cysylltwch â’ch Llyfrgellydd Cyswllt Academaidd neu’r Llyfrgellydd Caffael a Thanysgrifiadau a all helpu i argymell teitlau amgen yn yr un maes pwnc.
Llenwch y ffurflen gais ar-lein fel y byddech wrth wneud cais am unrhyw adnodd arall. Unwaith y bydd eich cais wedi dod i law, byddwn yn ymchwilio i’r costau tanysgrifio a’r trwyddedu i weld a ellir cyflawni’r cais. Wedyn bydd yr Uwch Gynorthwyydd Llyfrgell mewn cysylltiad i awgrymu canslo tanysgrifiad i swm tebyg nad yw’n cael ei ddefnyddio’n dda o’ch maes pwnc. Bydd y broses hon yn digwydd unwaith y flwyddyn i gyd-fynd â chyfnodau tanysgrifio, ac felly nid yw’n bosibl archebu cyfnodolion ar fyr rybudd.
Nac ydyn – dim ond mewn print y mae rhai teitlau ar gael, yn enwedig cyfnodolion crefft a chylchgronau. Nid yw rhai teitlau ar-lein yn gydnaws â’n systemau llyfrgell na system mewngofnodi TG y Brifysgol, ac nid yw rhai tanysgrifiadau ar-lein yn cynnig trwyddedau ar-lein sy’n gweithio o blaid mynediad lluosog i ddefnyddwyr ar draws y Brifysgol gyfan. Os oes gennych unrhyw amheuaeth, cysylltwch â’r Llyfrgellydd Caffael a Thanysgrifiadau a fydd yn ymchwilio i hyn i chi.
Caiff eitemau eu hadnewyddu ar ddechrau’r flwyddyn academaidd a dyma pryd y cymerir tanysgrifiadau newydd, felly mae’n well cynllunio ymlaen llaw gan ystyried y drefn hon. Mae’r drwydded ar gyfer tanysgrifiad cyfnodolion fel arfer yn rhedeg rhwng 1 Ionawr a 31 Rhagfyr.
Nod Llyfrgell ac Adnoddau Dysgu yw cytuno ar danysgrifiadau cyfnodolion blynyddol gyda’n hasiant tanysgrifio yn ystod y mis Medi blaenorol.
Cysylltwch â’n Llyfrgellydd Caffael a Thanysgrifiadau i ddechrau gyda’ch awgrym. Fel arfer yn trefnu treial yn y lle cyntaf i wirio bod yr adnodd yn gydnaws â’n system llyfrgell. Gan fod y treial yn cael ei gynnal byddem yn edrych ar gyfyngiadau prisio a thrwyddedu – byddem wedyn yn cymryd y wybodaeth hon ynghyd ag adborth o’r treial i banel adnoddau a gynhelir yn rheolaidd pan wneir penderfyniad prynu.
Nac oes. Mae’r holl adnoddau llyfrgell yn cael eu harchebu’n ganolog o gyllideb y Llyfrgell ac Adnoddau Dysgu. Nid oes angen cynnwys cod costau ac ni chymerir unrhyw arian o’ch Athrofa na’ch cyllideb Adrannol.
Suzy Fisher
Llyfrgellydd Caffael a Thanysgrifio
E-bost: s.fisher@uwtsd.ac.uk