Gwasanaethau Digidol » Gwasanaethau Dysgu Digidol a Llyfrgel » Cefnogaeth ar Gyfer Staff » Archebu Adnoddau ar gyfer y Llyfrgell

Archebu Adnoddau ar gyfer y Llyfrgell

Y mae croeso i staff academaidd archebu llyfrau ac e-lyfrau ar gyfer stoc y Llyfrgell.

Ffurlen Archeb Y Llyfrgell

Amser Trosgludo

Rhowch 3 – 4 wythnos er pan wnaethoch gyflwyno eich archeb cyn i’r adnoddau gael eu rhoi ar silffoedd y Llyfrgell. Mae hyn hefyd yn rhoi amser i ni ychwanegu eich archeb at y catalog a phrosesu’r adnoddau yn barod i’w benthyca. Mae’r Llyfrgell yn defnyddio cyflenwyr cyflenwadau sylweddol arbenigol sy’n rhoi gostyngiad penodol i ni ac yn darparu gwasanaethau prosesu ar gyfer y llyfrgell yn ogystal, er mwyn sicrhau ein bod ni’n gallu rhoi eich adnoddau ar y silffoedd cyn gynted ag sy’n bosibl.

Gall archebion am adnoddau arbenigol, megis arteffactau addysgu neu lyfrau sydd allan o brint, ac archebion a wneir yn ystod y cyfnodau brig (misoedd Awst – Medi a misoedd Mai – Gorffennaf) gymryd yn hirach i’w prosesu. Os oes angen eu harcheb arnoch ar frys, cysylltwch â’r llyfrgell, a gwnawn ein gorau glas i’w blaenoriaethu.

Archebu Cwestiynau Cyffredin: Cyffredinol

Rydyn ni wedi llunio’r canllaw canlynol ar gyfer staff y Brifysgol gydag atebion i rai cwestiynau cyffredin am archebu adnoddau ar gyfer stoc y llyfrgell. Os oes gennych chi unrhyw ymholiadau eraill nad ydynt wedi’u cynnwys yma, cysylltwch â ni.

Sut ydw i’n gosod archeb?

Gallwch archebu drwy ddefnyddio’r ffurflen archebu ar-lein ar wefan y llyfrgell,

Os ydych wedi lanlwytho eich rhestr ddarllen i’n llwyfan Rhestrau Adnoddau Ar-lein, bydd ceisiadau prynu yn cael eu creu’n awtomatig os nad yw’r eitem mewn stoc. Nid oes angen archebu unrhyw lyfrau a ychwanegir at Restrau Adnoddau Ar-lein ar wahân, a byddwn ni’n cysylltu â chi os na allwn ni eu darparu.

Pa ddeunydd y gellir ei archebu?

Gallwch ofyn am e-lyfrau, llyfrau print, cyfnodolion ac e-adnoddau ar gyfer stoc y llyfrgell. Sylwer nad yw’r llyfrgell bellach yn archebu casetiau fideo neu DVDs fel arfer, a’i nod yw cefnogi darpariaeth fideo drwy wasanaethau ffrydio ar-lein pan fo’r rhain ar gael.

Caiff yr holl ddeunydd a archebir ei gadw yn ein llyfrgelloedd; ni allwn ni brynu llyfrau i’w cadw gan adran, na chopïau personol.

Pa wybodaeth sydd ei hangen i archebu llyfr?

Cymaint o wybodaeth am y llyfr ag y bo modd, megis y teitl, awdur, cyhoeddwr, dyddiad cyhoeddi. Hefyd, bydd angen nodi unrhyw wybodaeth arall sy’n gysylltiedig â’r cwrs ar y ffurflen archebu ar-lein.

A fydd y llyfrgell yn prynu popeth y gofynnaf amdano?

Byddwn yn ymdrechu i brynu popeth sydd ei angen, fodd bynnag, gall y pris neu gyfyngiadau ar gyflenwad effeithio ar y gwaith o brynu. Mae canllawiau manwl ar gael yn ein Polisi Datblygu Casgliadau a’n Polisi Rhestrau Adnoddau Ar-lein.

Pa mor hir y bydd yn ei gymryd cyn bod llyfr print/e-lyfr ar gael ar ôl archebu?

Yn gyffredinol, bydd teitl print yn cymryd hyd at fis i gyrraedd, ond gellir darparu e-lyfr ymhen ychydig ddyddiau ar ôl archebu.

A yw’r holl lyfrau print ar gael i’w prynu ar ffurf e-lyfr?

Nac ydynt, nid yw’r holl deitlau print ar gael ar ffurf e-lyfrau ac o bryd i’w gilydd ni fydd e-lyfr, er ei fod ar gael ar ffurf electronig, ar gael i’w brynu gan ein cyflenwyr. Er enghraifft, dim ond i unigolyn y gellir trwyddedu e-lyfrau Amazon Kindle ac ni all y llyfrgell eu prynu i nifer o fyfyrwyr a staff eu defnyddio. Mae’r llyfrgell yn gweithio gyda nifer o gyflenwyr arbenigol yn y diwydiant sy’n darparu mynediad i lyfrau academaidd ar-lein gyda thrwyddedau ar draws y brifysgol.

Pa fathau o drwyddedau sydd ar gael ar gyfer e-lyfrau?

Mae e-lyfrau ar gael i’w prynu gydag amrywiaeth o drwyddedau, ond mae hyn yn dibynnu ar y cyflenwr.

1 Defnyddiwr = Dim ond un person a all ei ddarllen ar un adeg
3 Defnyddiwr = Gall tri o bobl ei ddarllen ar unrhyw un adeg
Mynediad anghyfyngedig = Gall llawer o bobl ei ddarllen ar unrhyw un adeg
Credydau defnyddwyr = Gellir gweld y llyfr nifer penodol o weithiau mewn cyfnod a ddiffiniwyd ymlaen llaw, sef blwyddyn fel arfer.

Polisi LlAD yw prynu’r drwydded leiaf cyfyngol o fewn terfynau’r gyllideb. Ceir canllawiau manwl yn ein Polisi Datblygu Casgliadau.

Oes modd archebu mwy nag un copi o lyfr?

Oes ond bydd hyn yn dibynnu ar nifer y myfyrwyr sy’n astudio ar bob modwl ac a yw’r llyfr yn destun darllen hanfodol neu ddarllen pellach.

Sut mae’r llyfrgell yn penderfynu faint o gopïau y gellir eu prynu?

Defnyddir ein Polisi Rhestr Adnoddau Ar-lein a'n canllawiau Polisi Datblygu Casgliadau i sicrhau bod nifer deg a phriodol o gopïau print yn cael eu cadw i ateb y galw gan aros o fewn cyfyngiadau cyllidebol.  Os gwelir bod galw mawr am lyfrau, e.e., pan fydd llawer o archebion gan fyfyrwyr, archebir copïau ychwanegol yn awtomatig pan fo'n bosibl.  Sylwer nad yw bob amser yn bosibl i ni brynu copïau lluosog; er enghraifft, pan fydd llyfr allan o brint, neu'n ddrud iawn.

Beth sy’n digwydd os na allwch chi ddod o hyd i’r llyfrau sydd eu hangen?

Byddwn ni’n gwneud pob ymdrech i ddod o hyd i’r llyfrau sydd eu hangen, ond weithiau ni fydd hyn yn bosibl. Byddwn yn rhoi gwybod i chi os felly y mae hi ac yn awgrymu eich bod yn cysylltu â’ch Llyfrgellydd Sgiliau Gwybodaeth neu’r Rheolwr Caffael a Thrwyddedu a all gysylltu â chyflenwyr arbenigol llyfrgell a helpu i awgrymu dewisiadau eraill.

Beth os nad yw llyfr ar fy rhestr ddarllen ar gael ar ffurf e-lyfr?

Pan fo’n bosibl, byddwn yn archebu llyfrau ar ffurf e-lyfr i fyfyrwyr eu darllen ar-lein. Os nad oes e-lyfr ar gael, byddwn yn ymdrechu i archebu copïau print, a gallwn ddigideiddio rhywfaint o destun o’r rhan fwyaf o lyfrau print o dan y Drwydded CLA sydd i’w cadw ar ADRh y Brifysgol. Os nad yw’r trefniant hwn yn diwallu eich anghenion, cysylltwch â’ch Llyfrgellydd Sgiliau Gwybodaeth neu’r Rheolwr Caffael a Thrwyddedu a all helpu i argymell teitlau amgen yn yr un maes pwnc.

Sut ydw i’n gwneud cais am gyfnodolyn newydd?

Llenwch y ffurflen gais ar-lein fel y byddech wrth wneud cais am unrhyw adnodd arall. Unwaith y bydd eich cais wedi dod i law, byddwn yn ymchwilio i’r costau tanysgrifio a’r trwyddedu i weld a ellir cyflawni’r cais. Wedyn bydd yr Swyddog Tanysgrifiadau l mewn cysylltiad i awgrymu canslo tanysgrifiad i swm tebyg nad yw’n cael ei ddefnyddio’n dda o’ch maes pwnc. Bydd y broses hon yn digwydd unwaith y flwyddyn i gyd-fynd â chyfnodau tanysgrifio, ac felly nid yw’n bosibl archebu cyfnodolion ar fyr rybudd.

Ydy’r holl gylchgronau ar gael ar ffurf e-gylchgronau?

Nac ydyn – dim ond mewn print y mae rhai teitlau ar gael, yn enwedig cyfnodolion crefft a chylchgronau. Nid yw rhai teitlau ar-lein yn gydnaws â’n systemau llyfrgell na system mewngofnodi TG y Brifysgol, ac nid yw rhai tanysgrifiadau ar-lein yn cynnig trwyddedau ar-lein sy’n gweithio o blaid mynediad lluosog i ddefnyddwyr ar draws y Brifysgol gyfan. Os oes gennych unrhyw amheuaeth, cysylltwch â’r Rheolwr Caffael a Thrwyddedu a fydd yn ymchwilio i hyn i chi.

Am ba hyd y bydd cyfnodolyn ar gael ar ôl gwneud cais?

Caiff eitemau eu hadnewyddu ar ddechrau’r flwyddyn academaidd a dyma pryd y cymerir tanysgrifiadau newydd, felly mae’n well cynllunio ymlaen llaw gan ystyried y drefn hon. Mae’r drwydded ar gyfer tanysgrifiad cyfnodolion fel arfer yn rhedeg rhwng 1 Ionawr a 31 Rhagfyr.

Nod Llyfrgell ac Adnoddau Dysgu yw cytuno ar danysgrifiadau cyfnodolion blynyddol gyda’n hasiant tanysgrifio yn ystod y mis Medi blaenorol.

Sut ydw i’n gofyn am gael mynediad i adnodd ar-lein?

Cysylltwch â’n Llyfrgellydd Caffael a Thanysgrifiadau i ddechrau gyda’ch awgrym. Fel arfer yn trefnu treial yn y lle cyntaf i wirio bod yr adnodd yn gydnaws â’n system llyfrgell. Gan fod y treial yn cael ei gynnal byddem yn edrych ar gyfyngiadau prisio a thrwyddedu – byddem wedyn yn cymryd y wybodaeth hon ynghyd ag adborth o’r treial i banel adnoddau a gynhelir yn rheolaidd pan wneir penderfyniad prynu.

A oes gan fy Athrofa / Adran gyllideb llyfrgell?

Er mwyn cefnogi’r gwaith o gyflwyno Rhestrau Adnoddau Ar-lein a sicrhau bod y casgliad yn cael ei ddiweddaru mewn ffordd systematig, mae Llyfrgell ac Adnoddau Dysgu wedi symud o strwythur cyllideb sy’n benodol i’r Athrofa i strwythur sy’n seiliedig ar wasanaethau. Mae hyn yn darparu cyllideb benodol i gefnogi ceisiadau am ddeunydd newydd a gyflwynir i Restrau Adnoddau Ar-lein, y gwasanaeth Angen Mwy , ac ymrwymiadau tanysgrifio parhaus, wrth ganiatáu’r hyblygrwydd i fodloni gofynion yr Athrofa yn well am adnoddau llyfrgell a all amrywio o flwyddyn i flwyddyn. Y ffordd orau o sicrhau bod y gyllideb ar gael ar gyfer yr adnoddau sydd eu hangen arnoch yw diweddaru’r Rhestrau Adnoddau Ar-lein ar gyfer eich rhaglenni yn rheolaidd.

Cyflwynwch eich archebion am adnoddau newydd yn ôl yr angen a byddwn yn gwneud y gorau y gallwn i’w darparu ar eu cyfer. Os ydych chi’n debygol o fod angen nifer arbennig o arwyddocaol o adnoddau newydd sy’n uwch na’ch gofynion arferol, er enghraifft i gefnogi rhaglen newydd, cysylltwch â’r Pennaeth Casgliadau neu Lyfrgellwyr Caffael a Thanysgrifiadau ymlaen llaw i drafod eich anghenion.

Beth yw’r dyddiad cau ar gyfer archebu adnoddau ar gyfer y gyllideb / blwyddyn academaidd?

Mae ein blwyddyn gyllidebol yn rhedeg rhwng 1 Awst a 31 Gorffennaf. Gall yr union amseriad amrywio o flwyddyn i flwyddyn, ond fel rheol gyffredinol rydym yn argymell bod pob archeb ar gyfer y flwyddyn gyfredol yn cael ei chyflwyno erbyn 28 Ebrill sy’n caniatáu amser i adnoddau gael eu cyflenwi a phrosesu anfonebau.

Oes angen i mi gynnwys cod cost fy Athrofa / Adran gyda’m gorchymyn?

Nac oes. Mae’r holl adnoddau llyfrgell yn cael eu harchebu’n ganolog o gyllideb y Llyfrgell ac Adnoddau Dysgu. Nid oes angen cynnwys cod costau ac ni chymerir unrhyw arian o’ch Athrofa na’ch cyllideb Adrannol.

Cysylltiadau

Tim Casgliadau’r Llyfrgell a Darganfod
E-bost: collections@uwtsd.ac.uk

Suzy Fisher
Rheolwr Caffael a Thrwyddedu
E-bost: s.fisher@uwtsd.ac.uk